Android mugikorretan pribatutasuna bermatzeko bederatzi app

Egunero-egunero erabiltzen dugu gure Android telefono mugikorra: nabigatzeko, txateatzeko, feed irakurlea erabiltzeko, musika entzuteko… eta noizean behin deiren bat ere egiteko gaitasuna daukagu. Gure telefonoa modu seguruan eta pribatutasunean oinarrituta erabiltzeko bederatzi aplikazio aurkeztu nahi dizkizuet gaurkoan.

Telefono mugikorra geure buruak baino hobeto ezagutzen gaitu. Gutaz informazio andana ematen diogu, batzuetan modu kontzientean eta beste batzuetan konturatu gabe. Armiarma sarean gaude arrapatuta.

Android gabe bizi ala sarea irauli?

Gorka Suaiaren abesti honek ezin modu egokiagoan erantzuten du goiko galdera hori. Sarea iraultzeko, edo behintzat pribatutasuna lantzeko hack.in#badakigu informatika elkarte askeko tailerretan erabiltzen ditugun bederatzi Android aplikazio aurkeztuko dizkizuet. Ea app hauek ezagutu eta gero, galderaren erantzuna guztion artean erantzuterik dugun.

Gozemank:

F-droid

fdroid-android-aplikazioa

Zerrenda honen lehen aplikazioa F-droid izan behar du, izan ere, zerrendan aurkituko dituzuen aplikazio gehienak hemendik jaitsi eta instalatu ahal izango dituzue. F-droid software librea bakarrik onartzen duen aplikazio market bat da, horrek, bertan aurkituko dituzuen app guztiak software librea direla esan nahi du. Hau da, Google Play-n egiten dugun bezalaxe aplikazio desberdinak aurkitzeko eta instalatzeko gaitasuna dauka. Hemendik instalatzen ditugun aplikazio guztiak eguneratuta mantentzeko aukera emango digu.

Orbot

orbot-android-aplikazioa

TOR ezagutzen duzuenok badakizue pribatutasunera bideratutako sare hau erabiltzen hasi orduko TOR sarera konektatu behar garela. Orbot, TOR sarera konektatzeko balio duen aplikazioa da. Aukera eta konfigurazio desberdin asko egin dakizkioke, beraz, nabigatu aukeren artean eta zuon behar izanetara egokitu. Root bazarete telefonoan instalatuta dauden aplikazio guztiak TOR-etik bideratzeko aukera izango duzue.

Orweb

orweb-android-aplikazioa

Behin TOR sarera konektatuta gaudenean nabigatzaile baten bitartez eguneroko Internet nabigazioan egiten dugun jarduna egiteko aukera eskaintzen digu, hau da, Internet nabigatzaile sinple bat da. Sinplea eta oso segurua.

Bitmask

bitmask-android-aplikazioa

VPN sare desberdinak erabiltzeko aplikazioa izateaz gain, riseup.net zerbitzua erabiltzen dugunok VPN zerbitzarira konektatzeko erabili behar dugun aplikazioa da. Modu oso erraz baten instalatu eta konfiguratzen da, eta TOR erabili nahi ez dugunean modu seguruago baten nabigatzeko gaitasuna eskaintzen digu.

Esan bezala aplikazio hau erabiltzeko riseup.net erabiltzaile kontu bat behar izango duzue.

K9 mail

k9mail-android-aplikazioa

Android sistema eragilean erabili dezakezuen e-posta bezero librea, besteak beste, GnuPG erabiltzeko aukera eskaintzen duela da interesgarria. Aplikazio honekin gure e-posta guztien kudeaketa egiteko aukera eskaintzeaz gain, GnuGP erabiltzaileak bagara mezuak zifratu eta deszifratzeko ere aukera izango dugu.

OpenKeychain

openkeychain-android-aplikazioa

Ez da oso aplikazio ezaguna baina ezinbestekoa da telefono mugikorrean GnuPG erabili nahi badugu. Kontaktua GPG giltz publikoak kudeatzeko aukera eskainiko digun aplikazioa da.

Signal

signal-android-aplikazioa

Pribatutasuna helburu duen Android aplikazioa duzue Signal. Mezu zifratuak bidaltzea eta dei zifratuak burutzea (VoIP) ahalbideratzen du.

Telegram

telegram-android-aplikazioa

WhatsApp-ekin erkatu dezakegun mezularitza aplikazioa (WhatsApp bera baino funtzio gehiago ditu). Telegram-ek, WhatsApp-ek ez bezala, ez omen du erabiltzailea zelatatzen. Zergaitik utzi beharko zenuke WhatsApp erabiltzeari?

KeePassDroid

keepass-android-aplikazioa

Zuon pasahitzak modu egokian kudeatzeko aukera ahalbideratzen duen softwarea, Android-en erabiltzeko gaitasuna eskaintzen digu aplikazio honek. Pasahitzak modu seguruan nola kudeatu ikasi nahi duzu?

Gustuko izan duzu? Elkarbanatu:

5 Replies to “Android mugikorretan pribatutasuna bermatzeko bederatzi app”

  1. Arazoa da CIAk zure Android sisteman sartzen denean ez dabil zure “kanpo” komunikazioak harrapatzen, zuk datuak zifratu aurretik irakurtzen ditu. Zuk tekleatutakoa irakurtzen du, ez bidalitakoa.
    Nik bederen ez dakit zifratutakoa irakurtzen eta behin testua denean beraiek ni besteko aukera badute irakurtzeko sistema beraien esku dagoelako….

    1. Kaixo Norbyte (hitz joko polita ;-)),

      Eskerrik asko eztabaida hastegatik. Oso ekarpen egokia zurea, eta erantzuteko zaila 😉

      Kanpo komunikazioen inguruan, ezin baiezko edo ezezko irmorik eman, eurek bakarrik, eta Wikileaks-ek, dakitelako zer egiten duten. Baina horren inguruan hausnartzeko esteka hau interesgarria izango zaizula uste dut: https://deskargak.hackinbadakigu.net/aurkezpenak/%5b2017%5d%20pribatutasun-hitzaldia/#/5/1

      Horren aurrean ideia bakarra bururatu zait beti: telefono mugikorrean informazio sentsiblerik ez eramatea, ezta bertan sortzea. Izan ere, CIA albo batera utzita, instalatuta ditugun aplikazioen baimenak ez dakigu noraino ditugun kontrolpean ezta nori bidaltzen dioten informazioa.

      Nire aldetik ez nau ez CIA ezta beste gobernu-erakunderik horrenbeste arduratzen. Hau da, beraiek beti izango dute gu zelatatzeko aukera eta teknologia. Legislatze on bat eskatzetik eta haien lanari zailtasunak jartzetik haratago (zifratuarekin adibidez) ezer gutxi egin genezakeela uste dut.

      Blog bidalketa honen helburua enpresa desberdinek, egunerokotasunean erabiltzen ditugun zerbitzuek, nik neuk edota gaur egun bogan dagoen big data-ren aurrean pribatutasuna lortzea da. Hemen aurkezten ditudan aplikazioek gure pribatutasuna mantentzen lagunduko digute, baina eguneroko Internet nabigazioan. Adibide bi jartzeagatik, Facebook-i gure informazioa gure onarpenik gabe ez bidaltzea, Twitter edo Google-i berdin… edo norbait autobuseko wifi sarean maltzurkeriaren bat egiten egotekotan gure mezuak ez lapurtzeko (edo lapurtzekotan behintzat
      zifratuta jasotzeko).

      CIA ez ezik zelatatzen gaituzten milaka pertsona eta zerbitzu daude, nire ustez horiei egin behar diegu aurre. Eta horiek dira gehien arduratzen nautenak 🙂

      Galdera interesgarria, benetan.

      Ondo izan.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude